A agrupación cultural O Arco dá Vella de San Miguel de Reinante (Barreiros) acollerá mañá e o sábado unha nova edición do seu Festival Folclórico do Emigrante. Poucas cousas unen máis aos distintos pobos que a súa música e bailes populares. Tan distintos e ao mesmo tempo tan emparentados. Diso déronse conta no colectivo fai xa 32 anos, que son os que leva de funcionamento esta cita.
A festa está declarada hai anos de Interese Turístico Galego e nesta edición teñen previsto celebrar a terceira edición da que denominan Foliada do Emigrante. Será a partir das nove e media da noite na Praza do Souto de San Miguel.
