Vecinos do barrio de San Lázaro de Sarria reclamaron de novo o peche e desaloxo da canceira ao cumprirse agora un ano da apertura deste refuxio nunhas instalacións de propiedade municipal na Rúa do Porvir. Os denunciantes acusan o Concello de ampararse na "provisionalidade" desta localización para manter aberta a canceira nunhas condicións que consideran de "absoluta irregularidade".
"A día de hoxe o Concello de Sarria non realizou ningún trámite para regularizar estas instalacións a pesar de que xa recibiu varios requirimentos e inspeccións", sinalan os veciños, quen enviaron tres escritos ao Concello no último ano "sen resposta" e tramitaron denuncias ante varios organismos, sen descartar emprender nas futuro accións xudiciais.
Os afectados cualifican a xestión municipal deste refuxio como "inaxeitada e improvisada". Aprecian tamén "hostilidade e entorpecemento" das súas reclamacións, á vez que denuncian falta de información por parte do goberno sobre o estado legal das instalacións e sobre os prazos ou alternativas "formais e documentadas" para a súa recolocación.
Os veciños aseguran tamén sufrir molestias que teñen como consecuencia "unha perda de calidade de vida considerable no barrio". Citan, en concreto, ruídos nocturnos que afectan o descanso, "fuxidas" de cans e aumento "da presenza de ratas", polo que reclaman unha solución.
Residentes nesta céntrica zona de Sarria trasladaron as súas demandas, entre outros organismos, á Valedora do Pobo.
Vecinos do barrio de San Lázaro reclaman de novo o desaloxo da canceira
Cúmprese un ano da apertura do refuxio nunhas instalacións de propiedade municipal na Rúa do Porvir, nunhas condicións que consideran de "absoluta irregularidade"