O sindicato Unións Agrarias (UU.AA.) alertou de que os xabarís xa son unha ameaza constante non só para os milleirales, senón que nos últimos meses houbo danos noutros cultivos, tales como os de horta e incluso viñedos, así como praderías.
«Os xabaríns cada día teñen máis fame porque hai moitos e os montes non teñen a comida que precisan, polo que a buscan onde a atopan, e se antes só ían aos milleirais cando se sementaba e cando crecían as plantas, agora van a por elas cando sexa», insistiu en dicir José Randolfe Vilariño, secretario comarcal da organización agropecuaria.
Jacobo Feijóo e Mariano López Nieves criticaron «a actitude da Xunta neste asunto, que o deixa en mans dos agricultores e cazadores, para que nos arranxemos entre nós, porque dende 2010 eliminou as axudas, e pídenos que lles fagamos seguros». Randolfe apuntou nese momento que os seguros tan só son factibles cunha franquía do 20%, «de tal forma que se hai danos perdemos esa porcentaxe e temos que comprar forraxe, polo que hai moita xente que xa pensa en non plantar nada de millo».
