O secretario xeral do sindicato Unións Agrarias (UU AA), Roberto García, afirmou que os que foran presidente e secretario do consello de administración de Alimentos Lácteos, Eugenio Montero e Arcadio López, respectivamente, foron "criados obedientes", porque as decisións sobre a firma tomáronse na Xunta de Galicia.
Roberto García fixo estas declaracións a preguntas dos medios de comunicación a raíz do xuízo que se celebrou esta mañá no Xulgado do Mercantil de Lugo, no que ambos os administradores sentaron no banco dos acusados para responder por unha demanda do administrador concursal da empresa, que está en fase de liquidación.
O administrador concursal sostén na súa demanda que cada un dos administradores recibiu de forma indebida unhas retribucións que ascenderon entre os anos 2010 e 2011 a 118.200 euros, a pesar de que a sociedade, con sede no municipio lucense de Outeiro de Rei, presentaba importantes perdas.
Ambos afirmaron no xuízo que percibiron esas cantidades polo traballo que facían na empresa, pero non por formar parte do consello de administración de Alimentos Lácteos. "Se é polo traballo que fixeron, terían que pagar moito máis, porque o desastre que provocaron é bastante máis dos 260.000 euros", ironizou Roberto García.
Desde o seu punto de vista, "todo iso dirixiuse desde o propio Consello da Xunta de Galicia, desde o IGAPE e desde Xesgalicia, onde se tomaban as decisións sobre como había que pagar o leite e facíanse as xestións coa distribución".
Por iso, "máis aló das responsabilidades directas que teñan por ser criados obedientes", subliñou o secretario xeral de UU AA, "a verdadeira responsabilidade hai que buscala en Xesgalicia e no propio señor Cividanes".
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
