A BBC destapou unha historia canto menos rocambolesca. Segundo informa o medio británico Rachel Rivers, dona dunha granxa en Wiltshire, Inglaterra, agraciou a un grupo de bombeiros da Estación de Dorset & Wiltshire cunhas deliciosas salchichas por sufocar un incendio e salvar a vida dun bo número de animais.
Ata aquí o tema non parece ter ningunha relevancia. Con todo o dato curioso é que as salchichas pertencen aos mesmos porcos aos que salvaron dunha horrible morte seis meses antes.
O incendio produciuse o pasado mes de febreiro, cando arderon máis de 60 toneladas de heno.
Portavoz dos Bombeiros de Dorset & Wiltshire: "As salchichas estaban magníficas. Sumamente recomendables"
Os bombeiros sufocaron as chamas e salváronlle a vida a 18 leitóns e dúas porcas, segundo informa a BBC.
AGRADECEMENTO. A propia Rivers explicou que o seu agasallo foi unha forma de dar as grazas pola heroica actuación. "Cando salvaron aos animais prometín que lles levaría salchichas", explicou.
Ademais, e vendo que a historia podería crear polémica entre os grupos animalistas, a dona da granxa quixo aclarar que lle deu aos porcos "a mellor calidade de vida" que puido darlles "antes de que fosen ao matadoiro e entrasen na cadea alimenticia".
Pola súa banda, o portavoz dos bombeiros da Estación de Dorset & Wiltshire agradeceu a xenerosidade da muller e encomiou o agasallo recibido. "As salchichas estaban magníficas. Sumamente recomendables", declarou.
As redes sociais enchéronse de mensaxes a favor e en contra da decisión da granxeira, dividíndose entre os que ven normal a morte dos animais por non ser mascotas e pertencer a unha granxa que se dedica á industria cárnica e os que, pola contra, consideran macabro o feito de que os salvadores dos porcos acabasen por degustar a súa carne á grella.
