A plataforma Galicia, mellor sen touradas propón ás administracións que exploren un proceso legal para devolver a praza de touros de Pontevedra "aos seus lexítimos donos", que, ao seu xuízo, son os "cidadáns".
O colectivo abolicionista, segundo explica no seu perfil de Facebook, asegura que esta iniciativa "acabaría coas corridas de touros" no municipio e serviría para converter o coso de San Roque nun recinto deportivo e cultural. "A xestión pública, entre Deputación e Concello, multiplicaría o número de actividades e eventos aptos para todos os públicos", abundan.
Unha plataforma pide iniciar un proceso legal para expropiar a praza de touros de Pontevedra
'Galicia, mellor sen touradas' asegura que unha xestión pública, entre Deputación e Concello, multiplicaría o número de actividades deportivas e culturais para todos os públicos no recinto