A empresa vilalbesa Dispravia, dedicada á produción e comercialización de sobremesas e produtos artesanais galegos, é a primeira firma lucense en sumarse á elaboración de torta de Santiago coa Indicación Xeográfica Protexida (IXP), unha distinción que se conseguiu no ano 2010 cando se creou o consello regulador.
Dispravia, que iniciou a súa produción baixo esta denominación desde o momento no que se instaurou, hai dous anos, comercializa na actualidade ao redor de mil unidades desta sobremesa ao mes, a través de distintas cadeas de distribución por todo o territorio galego.