A BLOGUERA de Fashion Low Cost Isabel Casanova ofreceu onte no centro comercial As Termas un taller gratuíto de asesoramento persoal e customización de pezas titulado ‘Sácalle partido ao teu armario'. Esta experta explicou como se poden aproveitar as pezas para crear looks actuais ou para adaptar a roupa de verán e seguir usándoa durante o outono.
A bloguera, que ten máis dun millón e medio de visitas na súa páxina e xa é unha referencia en Galicia, utilizou diferentes pezas e maniquíes para mostrar ás persoas que asistiron a este curso como combinar distintas pezas.
Este taller forma parte das actividades organizadas polo centro comercial As Termas, que hoxe acolle a primeira edición das Termas Midnight, unha xornada con sorpresas para os seus visitantes, que atoparán as tendas abertas ata as doce da noite.
A sesión comezará a partir das 21.00 horas e inclúe diversas actividades, como a entrega de agasallos a todos os visitantes, a actuación do grupo galego de soul & rock Broken Peach ou pasarús polos corredores coa intervención de acróbatas aéreos. Aluma Perruqueiros tamén ofrecerá un cambio de imaxe gratuíto a quen o desexen.
Ademais, gran parte das tendas que integran a oferta deste centro comercial de Albeiros prepararon diferentes promocións especiais para esta noite.
