O veciño do Vicedo A.P., de 61 anos de idade, pasou onte a disposición do xulgado de instrución número 1 de Viveiro tras ser detido antonte pola tarde por axentes da Garda Civil como suposto autor dun delito de lesións.
Unha patrulla da Benemérita tivo coñecemento na tarde do luns de que existía unha rifa veciñal na localidade de Riobarba, pertencente ao municipio vicedense. Os axentes que acudiron ao lugar comprobaron que Álvaro F.M., de 41 anos, presentaba unha serie de lesións, derivadas da presunta agresión cunha barra de ferro de grandes dimensións, causadas por A.P.
Os feitos producíronse tras retirar o agredido un aramado do peche dunha leira destinada ao gando por parte do agresor, que se enfureceu e golpeoulle co que tiña máis a man. Antonio P. pasou a noite no cuartel da Garda Civil de Viveiro, aínda que onte pola mañá trasladárono a Burela e posteriormente pasou a disposición do xulgado correspondente na cidade do Landro.
