O Tribunal cantonal suízo de Vaud anunciou este venres que prohibe á UEFA "validar os resultados dos partidos do grupo I da Europa League 2011/12" e por conseguinte anula a súa clasificación ata que se apliquen as medidas provisionais que ditou o pasado 13 de setembro.
A UEFA xa confirmou ese mesmo día a exclusión do FC Sion suízo de participar na Europa League, sitio que ocupou o Celtic de Glasgow. O Atlético de Madrid venceu 2-0 ao Celtic onte con goles de Falcao e Diego. Segundo a ordenanza do Tribunal cantonal suízo ese resultado non tería validez, afirma o FC Sion na súa web.
O Tribunal suízo insistiu en que esta medida é "inmediatamente executiva". Xa no seu momento este Tribunal ordenou á UEFA a admitir ao Sion como integrante da Europa League e apelou a que ese organismo reconsiderase a aliñación indebida de seis xogadores do Sion.
O pasado 2 de setembro o Celtic Glasgow asumiu a praza do Sion tras aceptar a UEFA a reclamación do club escocés, que fora eliminado polo club suízo na rolda preliminar. O Celtic de Glasgow uniuse así ao Rennes, Atlético de Madrid e Udinese no Grupo I da Europa League.
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
