Os afeccionados ao mundo do motor poden facer realidade o soño de conducir un vehículo similar ao dos pilotos do campionato de España de rallyes Sergio e Diego Vallejo, xa que unha empresa sarriá, Agrolugo, acaba de crear un minitractor agrícola que é unha réplica do Porsche co que participan os irmáns nas carreiras.
Os pilotos visitaron en días pasados as instalacións coas que a empresa conta en Sarria para ver in situ o curioso tractor. Segundo explicou Roberto Gómez, de Agrolugo, parte do diñeiro recadado coa venda do vehículo irá destinado a colaborar coa escuadra dos irmáns, Vallejo Racing, e axudarlles a participar nos próximos rallyes.
