Un octoxenario begontino foi interceptado na tarde de onte por axentes da Garda Civil de Tráfico á altura do quilómetro 507 da A-6, ao seu paso polo municipio de Outeiro de Rei, tras circular en sentido contrario polo menos 20 quilómetros, sen chegar a causar ningún incidente durante o traxecto, máis aló do susto que levaron quen llo atoparon de fronte.
Varios condutores alertaron, pasadas as cinco e media da tarde de onte, da presenza dun turismo, un Seat Panda, que circulaba cara a Lugo por un dos carriis en sentido A Coruña da Autovía do Noroeste.
