A escritora e investigadora María Sande presentará o próximo mes de decembro o libro ‘Alcaldes das Pontes. Un percorrido desde 1836', unha obra que narra a historia da localidade a través do estudo de todos os rexedores municipais, 70 homes que tiveron o bastón de mando.
«Foi un estudo de máis dun ano de investigación. Nas Pontes, de historia, só había o libro de Enrique Rivera Rouco e a documentación máis antiga do Concello queimouse ou desapareceu e non atopas nada», explica a investigadora, que asegura que conseguiu a información a través de retrincos de historia, escritos de protocolos notariais, instrumentos censales, papeis da Igrexa e entrevistas con alcaldes vivos e familiares dos falecidos.
Escribe unha obra de Viveiro e fará o mesmo con Vilalba e Mondoñedo
A investigadora María Sande, de San Sadurniño e premiada por uns dos seus últimos traballos de investigación sobre a Autoridade Portuaria de Ferrol, presentará tres novos libros de investigación histórica: un sobre os gobernadores civís de Galicia, outro sobre o peirao da Coruña e un terceiro do porto de Ferrol.
