Un incendio rexistrado nun alpendre da parroquia pastoricense de Rigueira propagouse ata unha cuadra anexa, provocando a morte de catro novillas de entre 18 e 20 meses, propiedade da gandería Iglesia Fernández.
O suceso ocorreu na madrugada do domingo e as consecuencias non foron máis graves grazas á rapidez coa que o propietario das reses se deu conta do que estaba a pasar, xa que as dependencias están pegadas a unha vivenda habitada.
O lume iniciouse ao redor das 3.00 horas e, aínda que as causas aínda se descoñecen e estanse investigando, todo parecía indicar que se debeu a un curtocircuíto. O propietario da gandería atopábase aínda esperto, no salón da súa casa -situada a uns 20 metros do alpendre no que se orixinou o incendio-, cando, de súpeto, foise a luz, tal e como explicou o seu fillo, Luís Iglesia.