Un incendio destruíu onte por completo un alpendre e ameazou unha vivenda no pobo de Folgueira, na parroquia castroverdense da Frairía. O propietario destas edificacións, Ramón Menán, coñecido na zona como Pudengo, resultou ileso.
Este septuaxenario durmía no interior da casa cando se orixinaron as chamas, de madrugada, e foi alertado do incidente por uns veciños que pasaban en coche pola zona e que tamén foron os que avisaron do incendio á central galega de urxencias do 112.
Tras recibir ao redor das 1.35 horas o aviso, no que se indicaba que a vivenda do septuaxenario tamén podería estar afectada, desde o 112 mobilizaron ao lugar dos feitos a efectivos do parque de bombeiros de Sarria.