Un incendio arrasou por completo un alpendre cheo de leña no lugar de Allo, na parroquia taboadesa de Esperante. A central de urxencias do 112 recibiu unha chamada alertando das chamas sobre as 7.40 horas da mañá de onte e desprazou á zona aos membros de Protección Civil de Taboada e á Garda Civil.
O lume produciuse nunha caseta próxima á estrada e separada por un patio da vivenda á que pertence, que non está habitada con continuidade ao tratarse dunha segunda residencia. Os equipos que interviñeron na extinción das chamas apuntaron que a leña que había no local apurou a combustión.
Monforte
A última hora da noite do martes os bombeiros de Monforte tamén tiveron que intervir en dous lumes que se produciron en dúas papeleiras da contorna dos Escolapios.
Foi un veciño o que alertou das chamas aos servizos de urxencias.
