Un home armado atracou hoxe unha xoiería de Montpellier (sur de Francia). As forzas da orde desaloxaron a zona adxacente ao establecemento mentres se investiga o sucedido, que foi desvinculado das tomas de reféns vividas durante a xornada no centro de París e en Dammartin, ao nordés da capital francesa.
"Trátase dun atraco. Non ten absolutamente nada que ver co que ocorreu en París", declarou a medios locais o fiscal de Montpellier, Christophe Barret. O suceso ocorreu en pleno centro histórico de Montpellier, parte do cal foi pechado polas forzas da orde tras o suceso.
