Un empresario do sector da construción, da zona da Mariña, enfróntase a unha condena de dous anos e medio de cárcere por ter, supostamente, como empregado durante cinco anos a un traballador sen contrato e sen dalo de alta na Seguridade Social.
O ministerio fiscal mantén que desde o ano 2007 ata finais de maio de 2012, o acusado tivo como empregado a un home de nacionalidade brasileira, que se encargaba de realizar traballos de albanelería nas súas obras.