Fai 75 anos faleceu na prisión burgalesa de Valdenoceda un lancarés, Adolfo Pérez López. Os seus restos foron recuperados pola Agrupación de Familiares de Represaliados en Valdenoceda, que intenta localizar os achegados do home co fin de realizar análise de ADN e confirmar o 100% a identidade de Adolfo Pérez para entregar os restos os seus descendentes.
O lancarés era natural da parroquia de Ronfe, aínda que residía en Madrid. Segundo consta no seu expediente, faleceu o 18 de novembro de 1939 á idade de 47 anos e era empregado. O colectivo busca á súa familia, aínda que cos apelidos Pérez López, tan habituais, «é case imposible conseguir a alguén en Madrid», explicaron desde a entidade. Agora traballan con novas pistas, pois o lancarés estaba casado con Rosario Soa, coa que tivo tres fillos.
|
Consiga AQUÍ a información completa |
