O CD Lugo deu un coche a un dos seus abonados por segunda vez esta tempada co concurso do Gol Olímpico, organizado polo Grupo Ditram, que se celebra esta tempada no descanso dos partidos que disputa o equipo galego no seu campo na liga Adelante.
Nesta ocasión, o agraciado foi Carlos Fernández, que resultou elixido por sorteo para probar fortuna desde o saque de esquina no encontro deste sábado ante o Xirona.
O afeccionado executou con calidade o córner e o balón acabou no fondo da rede, o que lle serviu para levar o coche.
Si lo cascas te llevas un @Nissan_ESP Qashqai y Manuel se lo lleva.#GolOlimpicoNissan ENHORABUENA @CDeportivoLugo pic.twitter.com/IhR3Vu78FU
— Grupo Ditram (@GrupoDitram) 05 marzo 2016
Hai pouco máis dun mes, outro afeccionado do club galego, Manuel Méndez, conseguiu o coche, da marca Nissan, no descanso do partido ante o Atlético Osasuna.
O concurso púxose en xogo esta tempada e ata ese encontro ante o conxunto navarro, ninguén conseguira o gol olímpico (marcar directamente desde o saque de esquina), pero en dous dos tres últimos compromisos, os abonados do club galego tiveron puntería.