A Festa da Troita da Pontenova e a feira das Quendas en Mondoñedo marcan en certa medida o inicio da primavera. Onte víronse lastradas por unha xornada moi chuviosa.
As PRIMEIRAS citas festivas da tempada na Mariña: a Festa da Troita, na Pontenova e As Quendas, en Mondoñedo non contaron cunha xornada primaveral e a choiva desluciu os actos. No entanto, as ganas de festa sobrepuxéronse ao mal tempo e foron moitos os que se animaron a gozar de ambas as citas.
O Centro de Iniciativas Turísticas (CIT) da Pontenova, que organiza a Festa da Troita, agradece aos pescadores a súa incondicional participación nos 35 anos que leva celebrándose un evento, que dá moita á vida ao pobo.
