Galicia amencerá este martes co ceo pouco nubrado no sueste e nubrado no resto, abríndose claros no interior durante as horas centrais.
Non se descartan orballos no litoral atlántico pola mañá e chuvascos ou tormentas nas montañas de Ourense e sueste de Lugo.
As temperaturas máximas sufrirán un descenso, especialmente nas zonas de interior, e as mínimas experimentarán poucos cambios, pero predominan os aumentos.
O vento será frouxo variable a primeira e a última hora do día, e procedente do norte e noroeste o resto do tempo. Soprará con intervalos máis intensos no litoral ao sur de Fisterra.
