Tellado: "A marcha contra os incencios foi organizada por quen pretendía sacar réditos políticos"

O secretario xeral do PPdeG, Miguel Tellado, asegurou este domingo que a manifestación contra os incendios forestais que se celebrou este domingo en Santiago estaba organizada polos mesmos que "estaban a imprimir pancartas e camisetas para intentar sacar rédito político" mentres ardía o monte e ameazaba casas a pasada semana.

Antes de participar nunha comida en Ribeira, afirmou que seguro que na marcha, na que miles de persoas cargaron contra a política forestal da Xunta e esixiron responsabilidades ao Goberno, entre elas a dimisión de Alberto Núñez Feijóo, había moita xente de boa fe" e lamentou, con todo, que en lugar de ser unha manifestación de carácter "ecoloxista" foi "nacionalista".

Segundo indica o PP nun comunicado, o dirixente do PPdeG destacou a "axilidade" de resposta do Goberno galego, co seu presidente á cabeza, "dando a información que tiña en tempo real e dando a cara tamén no Parlamento galego, algo que xa anunciou que volverá facer cando sexa oportuno".

"Cos incendios por fin apagados toca facer unha valoración dos danos e pór medidas sobre a mesa para reparalos, coma as que xa anunciou a Xunta", sinala Tellado, que incide en que a prioridade durante os incendios foron as persoas e asegura que o seguirán sendo.

Tellado opinou tamén sobre as decisións do Goberno respecto de Cataluña e mostrou o respaldo do PPdeG ás medidas anunciadas por Mariano Rajoy.

Destacou que o xeito de "protexer o autogoberno é apartando a aqueles que o empregan para dividir á cidadanía" e cualificou como "sorprendente que aqueles que intentaron derrogar a Constitución por maioría simple nun Parlamento autonómico atrévanse a dar leccións de democracia".

Tamén aproveitou para volver criticar ao portavoz de En Marea, Luís Villares, maxistrado en excedencia porque, "segue sorprendendo que un antigo xuíz que ata fai un ano dedicábase a aplicar a Carta Magna renegue hoxe dela".