A eliminatoria de cuartos de final da Copa da competición provincial de fútbol veterano non resultou demasiado positiva para os equipos chairegos que disputaban esta rolda, posto que dos once que o facían só lograron o pase ás semifinais tres: Saavedra, Sancovade e Begonte.
O mancar máis grande viño na modalidade da Supercopa, na que a comarca quedou sen representantes, a pesar de que o Santaballés e o Castro -primeiro e segundo clasificado en Liga- disputaban esta rolda. Os vilalbeses perderon pola mínima (1-0) ante o Paradela, mentres que o Castro caeu (1-3) contra o Monterroso. Ademais, o Illán perdeu na quenda de penaltis contra o Rábade, tras empatar a tres goles.
