A asociación de empresarios Sete Pontes de Vilalba celebrou este fin de semana o sorteo da campaña de San Valentín para promover o comercio local, na que se repartían nove ceas para dúas persoas noutros tantos restaurantes, ademais de estancias no Parador e o hotel Attica21 de Santaballa.
A cea na Revolta correspóndelle ao 3.319, repartido pola Xoiería Rico e ao Mesón do Campo irá o titular do 3.404, que entregou o bar Porrás. A rifa 1.841, entregada por Certo Vilalba, dá dereito a cear na cervexería Lembranzas e a 4.912, do Estanco Rego, fai o propio na Lareira.
Ao Terra Chá irá o posuidor do 3.655, de Novalux Óptica; ao Mesón Os Píos irá quen teña o 6.535, entregado polo Parador; e do Montero gozará o 0449 obsequiado por Don Zapato. Newton Formación entregou a rifa 1.065, que dá dereito a cear na Casa dás Xaquinas, mentres que visitará A Nova Ruta o titular do 1.928, repartido polo pub Xuntiños.
Os números premiados coas estancias son o 5.221, da Ponderosa, e o 7.415, da Carnicería José Manuel. Os agraciados deben recoller o premio en propio local e poderán trocalo en marzo.
