Confírmanse os peores prognósticos sobre a lesión de Iker Muniain

O xogador do Athletic Club Iker Muniain sofre a rotura do ligamento cruzado anterior do xeonllo dereito, segundo confirmou a entidade branquivermella logo das exploracións ás que foi sometido este venres o xogador navarro, e estará de baixa durante un período de polo menos seis meses.

O parte médico emitido polo club bilbaíno engade que o xogador se atopa "pendente da cita co especialista para concretar a data de intervención".

Muniain lesionouse este xoves, na recta final do partido europeo fronte ao Zorya Luhansk ucraíno, e desde un primeiro momento, polos xestos do futbolista ao ser retirado en padiola, intuíase que o contratempo podía revestir gravidade.

O Athletic anunciou pola noite que Muniain, en base a unha primeira exploración, sufría unha "entorsis" que tras as probas médicas ha resultado ser unha rotura do ligamento cruzado anterior.

OUTRA EXPERIENCIA. Trátase da segunda lesión destas características que sofre Muniain na súa carreira.

O 4 de abril de 2015 rompeu tamén o ligamento cruzado anterior do xeonllo esquerdo nunha partida fronte ao Sevilla no Sanchez Pizjuán e non reapareceu ata o 20 de decembro dese mesmo ano, máis de oito meses despois.

Esta vez a lesión foi na o xeonllo contrario.