Ronaldo e Messi encabezan a lista de aspirantes ao 'Balón de Ouro 2014'

Messi, cabizbajo, durante en Madrid-Barça del pasado fin de semana (EFE)
photo_camera Messi, cabizbajo, durante en Madrid-Barça del pasado fin de semana (EFE)

O portugués Cristiano Ronaldo, gañador do galardón en 2013, e o arxentino Lionel Messi encabezan a lista de 23 candidatos ao Balón de ouro 2014, publicada este martes pola revista francesa France Football.

Na nómina figuran seis xogadores do Real Madrid (Ronaldo, Karim Benzema, Gareth Bale, Sergio Ramos, Toni Kroos e James Rodríguez), catro do Barcelona (Messi, Neymar, Andrés Iniesta e Javier Mascherano) e dous que na tempada anterior xogaron no Atlético de Madrid (Diego Costa e Thibaut Courtois).

Desta lista sairán os tres finalistas ao galardón de mellor xogador do mundo, que se coñecerán o 1 de decembro próximo.

O Real Madrid, que obtivo o seu décimo título de campión de Europa, e o Bayern Múnic, con seis cada un, son os equipos que achegan máis xogadores á primeira lista de candidatos. O conxunto bávaro, base da selección alemá campioa do mundo en Brasil, ten nomeados a Götze, Lahm, Müller, Neuer, Schweinsteiger e Robben.

A relación complétana o arxentino Ángel di María (Manchester United), Eden Hazard (Chelsea), Zlatan Ibrahimovic (PSG), Paul Pogba (Juventus) e Yaya Touré (Manchester City).

No capítulo de adestradores figuran na lista o español Pep Guardiola (Báyern), o italiano Carlo Ancelotti (Real Madrid) e o arxentino Diego Simeone (Atlético de Madrid). Completan a lista de dez candidatos a mellor técnico do ano Antonio Conte (Juventus), Jürgen Klinsmann (Estados Unidos), Joachim Löw (Alemaña), José Mourinho (Chelsea), Manuel Pellegrini (Manchester City), Alejandro Sabella (Arxentina) e Louis Van Gaal (Holanda/Manchester United).

Comentarios