Repsol espera empezar no último trimestre do ano as prospeccións que o Goberno central lle autorizou ao leste de Forteventura e Lanzarote para buscar posibles reservas de hidrocarburos nesa zona do Atlántico.
O presidente de Repsol, Antonio Brufau, anunciou que os traballos comezarán no emprazamento coñecido como Sandía, un punto do océano situado a aproximadamente 60 quilómetros das costas de Forteventura, onde o seu barco perforador, "de sétima xeración", deberá atravesar 885 metros de auga antes de chegar ao leito mariño.
Brufau deu a coñecer á prensa a data estimada de inicio dos traballos antes de reunirse en Gran Canaria coa directiva da Confederación Canaria de Empresarios (CCE), a patronal maioritaria na provincia das Palmas.