Cada tres anos, antigos alumnos do colexio do mosteiro de Samos reúnense para celebrar coa comunidade unha xornada na que compartir experiencias daqueles tempos da súa infancia na abadía.
Unha vintena de persoas de distintas partes de España participaron no encontro, que se celebrou por sétimo ano. Estas cursaron os seus estudos en Samos entre os anos 1958 e 1972, cando se pechou o colexio. «Buscamos compartir recordos e é unha forma de que non nos esquezamos de Samos», explica Ricardo Martínez.
