Unha vintena de afectados por participacións preferentes e obrigacións subordinadas de Santiago concentráronse hoxe ante o Instituto Galego de Consumo (IGC) para solicitarlle que inste ao FROB a dilatar os procesos de arbitraxe e que se dean solucións iguais aos mesmos problemas.
O portavoz da plataforma de afectados de Compostela, Xesús Domínguez, explicou a Efe que cada un dos preferentistas que acudiu ao IGC depositou documentación na que se interesa pola súa situación particular e na que reclama que "a arbitraxe non se pare, que se dilaten os prazos", e evidenciar que a imposición do FROB co prazo para solicitar liquidez do fondo de garantía de depósitos, o próximo xullo, é "extremadamente breve".
Os preferentistas composteláns que acudiron ao IGC desde as 10:30 horas advertiron de que o vindeiro luns finaliza o prazo, segundo o FROB, para solicitar a arbitraxe e para ser chamados ao proceso, e que hai afectados que se están decatando estes días ao facer a súa declaración da renda de que teñen este tipo de produtos.
"Hai xente que non é coñecedora da situación", aclarou Domínguez, quen mencionou a moitos emigrantes que se atoparán unha carta cando veñan de vacacións na que se lles informará de que son tenedores de preferentes.
Segundo o portavoz da plataforma compostelá, a "dúbida importante" que teñen os afectados e os seus avogados, dixo, é se queda aberta a vía xudicial no caso de que pidan liquidez ao fondo de garantía de depósitos.
Dianteiro do Friol
Daniel Roca Couso marcou un hat trick ante o Carballedo nun avultado marcador
17/abr./24
