Piqué: ''Arriba temos a variedade que non teñen outros''

Gerard  Piqué analiza as características dos tres dianteiros centros de España para a Eurocopa 2012 -Fernando Torres, Fernando Llorente e Álvaro Negredo- e dá as claves de como intentar frear a cada un, mentres Del Bosque segue sen dar pistas sobre quen será titular.
 
Desde a experiencia de ter que cubrir os tres esta tempada en duelos co Barcelona ante Chelsea inglés, Athletic Club de Bilbao e Sevilla, e compartir cada adestramento na selección española,  Piqué explicou aos defensas das seleccións rivais, como deben intentar frealos.
 
Convencido de que España ten en punta "a variedade que outros non teñen" e que asumirán con eficacia a responsabilidade do gol que deixa David Villa, ausente en Polonia e Ucraína por lesión.
 
- Así son os 'noves' da selección segundo Piqué :
 
Fernando Torres: "Tes que estar con moita vixilancia dos balóns en longo. Sobre todo é preferible que reciba ao pé, apértalo, redúcelo e non lle deixas pensar. En longo el parte con vantaxe pola súa velocidade".
 
Fernando Llorente: "Contra el xoguei moitos partidos e sei que che vai picar pouco porque as súas características son outras pero por arriba vaslle gañar poucas. É preferible que o toque el de cabeza e centrarte en buscar o segundo balón. En saques de esquina e faltas tes que estar moi alerta, intentar que non remate e molestalo sempre".
 
Álvaro Negredo: "Con Negredo tes que estar moi atento na área porque che engatilla todas as que caza. Métechas todas. Sobre todo hai que taparlle a zurda porque coa dereita é distinto".

Comentarios