Sánchez pide a C's e Podemos "xenerosidade"

O secretario xeral do PSOE afirma, desde Oroso, que España necesita con "urxencia" un goberno sen corrupción
Pedro Sánchez, en la fiesta de Oroso
photo_camera Pedro Sánchez, en la fiesta de Oroso

O secretario xeral do PSOE, Pedro Sánchez, asegurou este sábado que España necesita "con urxencia" un goberno "limpo de toda sospeita de corrupción, xusto, crible e dialogante", e ese, dixo, nunca será un Executivo que presida Mariano Rajoy.

"Démosvos a nosa palabra de que non iamos permitir que fose presidente do Goberno e cumprimos", manifestou nunha romaría cuns 2.000 militantes en Oroso, no municipio coruñés de Sigüeiro, lugar ao que se desprazou para apoiar ao candidato ás eleccións galegas, Xoaquín Fernández Leiceaga.

Pedro Sánchez, que a próxima semana contactará cos líderes de Podemos, Pablo Iglesias, e Ciudadanos, Albert Rivera, tras o chamamento que fixo no debate do venres, tras a fracasada sesión de investidura de Rajoy, a buscar unha solución ao "atasco político" que vive España. A ambas as formacións pediulles "xenerosidade".

E este sábado, animou a traballar "sen descanso, con humildade e xenerosidade", co obxecto de atopar ese remedio que poña "fin" á etapa do "presidente do Goberno peor valorado da historia da democracia".

comentarios