Un grupo de pais e nais de alumnos do Ceip Lagostelle de Guitiriz, aos que se sumou algún veciño, protagonizou na mañá deste xoves unha concentración ás portas do centro educativo para mostrar a súa oposición tanto á Lomce como á reválida, unha proba ao que non se presentou ningún dos alumnos de sexto de primaria do colexio guitiricense.
Os pais deixaron así constancia da súa oposición a uns exames que consideran "inxustos", xa que "non ensinan a aplicar as competencias", e que temen que nun futuro se usen para clasificar aos centros e aos alumnos. Os presentes tamén fixeron ver o seu rexeitamento a que se modifiquen as leis de educación cada poucos anos.
Pais do Ceip Lagostelle de Guitiriz maniféstanse en contra da reválida
O 100% dos alumnos de sexto de primaria do centro optou por non presentarse ao exame