O actual rexedor do municipio de Palas de Rei, Pablo Taboada Camoira, é o único candidato á presidencia do PP local. Esta situación confirmouse o pasado martes, ao pecharse o prazo para a presentación de candidaturas para liderar a formación.
Está prevista a celebración dun congreso local o día 5 de setembro. Neste acto, os membros da agrupación poderán escoller a nova dirección. Ao ser o único candidato, Taboada ten asegurado o liderado do PP palense durante catro anos máis.
