Creador de roupa. O oficio de xastre decaeu e só quedan profesionais nas grandes cidades, segundo Marcelino Novo Villares, aínda que a crise fixo que moitas mulleres retomen a costura para aforrar. O conservatorio vivariense exhibe unha mostra sobre estes labores.
O VILALBÉS Marcelino Novo Vilares chegou a Viveiro en 1956 logo de traballar como aprendiz de xastre durante catro anos na capital chairega, para o que tivo que pagar, algo habitual entón entre quen querían aprender un oficio. Segundo Prieto Belo foi o seu mestre cando só contaba con 22 anos de idade. Alí foi onde coñeceu á súa futura muller, que tamén estaba de aprendiz.
