O PP insta a renovar o pavimento dos parques infantís polo seu deterioro

A viceportavos do Partido Popular en Lugo, Ana López Pombo, criticou o venres o mal estado dos parques infantís da cidade e pediu que se renovase a totalidade do pavimento destas instalacións, por considerar que as reparacións non forneceron efecto e que os seus danos son un perigo para os nenos.

Ademais, a formación lamentou que a imaxe dos parques sexa "tan mala", cando, segundo indican, existe un contrato cunha empresa para estas zonas, que lle custa ás arcas municipais un total de 5.600 euros mensuais.

Desde a formación consideran que os parques máis prexudicados son os de Angelo Colocci, Galego Tato, Frigsa ou Marcos Cela, por ter todos eles gretas de centímetros de profundidade. Tamén indican que hai algunhas que presentan unha limpeza deficiente, como Frigsa, "onde se pode ver lixo tirado polo chan, especialmente na zona adicada aos máis pequenos", denunciou onte Pombo.

Ademais deste problema, o PP detectou outras deficiencias no parque de Rosalía. "Deberían instalar nalgunha das zonas de xogo randeeiras adaptadas para que os nenos en cadeira de rodas poidan subir de xeito autónomo", indicou, xa que os existentes neste momento só permiten que as persoas con diversidade funcional suban con axuda.

PARQUE CUBERTO. A viceportavoz popular tamén pide que se instalen fontes públicas en todas as zonas de xogos, así como a creación dun parque infantil cuberto na Praza de Augas Férreas.

"É unha zona moi empregada polos nenos e se o cobren podería empregarse con independencia das condicións meteorolóxicas", comentou a edil.