Os canons acordados entre o Concello e a empresa Cespa, encargada da xestión do punto limpo e da recollida e transporte dos residuos sólidos urbanos e limpeza de espazos públicos, experimentarán un lixeiro descenso neste exercicio. O custo do primeiro reducirase en 261,91 euros anuais ao descender o Índice de Prezos ao Consumo (IPC) no 0,3%, mentres que o segundo baixará en 7.535,03 euros ao resultar 0 o IPC, sobre todo polo descenso do prezo do combustible.
A rebaixa dos canons non terá practicamente incidencia sobre o prezo que abonan os usuarios destes servizos outorgados por contrato a Cespa, que realizou en marzo pasado a proposta que este mércores debaterá o pleno vivariense. O punto limpo supón 87.043 euros anuais e o lixo suma 693.856,15 euros ao ano, que inclúe o 10% de Iva.
A sesión ordinaria, prevista para as oito e media da tarde, inclúe o sorteo público para a designación dos integrantes das mesas electorais para o próximo 26 de xuño.
O canon que paga o Concello de Viveiro polo punto limpo baixa de prezo
O servizo de recollida e transporte dos residuos sólidos urbanos que atende Cespa custará este ano menos de 700.000 euros
Xogador do Folgueiro
Óscar Pérez Meitín marcou de penalti e no desconto para lograr a vitoria
21/abr./24
