Nubes e choivas no norte da provincia durante a xornada do xoves

Na xornada deste xoves Galicia continuará baixo influencia anticiclónica, con circulación do nordés.

Así, na metade sur da comunidade os ceos permanecerán pouco nubrados ou despexados, mentres que na metade norte entrarán as nubes baixas, con choivas máis probables e persistentes no norte da provincia de Lugo.

O vento soprará do nordés, con intervalos fortes no litoral coruñés ás últimas horas.

Ademais, as temperaturas mínimas non experimentarán cambios significativos ou ascenderán lixeiramente mentres que as máximas descenderán lixeiramente.