A foliada na honra de Santa Palleta, artellada polo colectivo de agrupacións de música tradicional das Pontes, xa ten un lugar privilexiado no calendario festivo da localidade. E se non que llo pregunten ás moreas de músicos que, por segundo ano consecutivo, se deron cita no Lar, nunha intensa xornada de festa na que tódolos asistentes tocaron, bailaron, gozaron e renderon tributo á súa particular beata.
Antes da chegada deste acto central, que puxo fin á oitava edición dos encontros que se organizan cada último venres de mes no Lar e que suman xa 67 foliadas, os devotos músicos realizaron un