Un accidente con dous camións implicados deixa unha persoa falecida este luns no municipio ourensán de Boborás, moi preto do Carballiño.
O sinistro produciuse na N-541, que une Ourense e Pontevedra, á primeira hora da mañá. O falecido, veciño de Barro, quedou atrapado dentro do vehículo. Ata o lugar desprazáronse efectivos do Bombeiros do Carballiño, o helicóptero medicalizado do 061 e servizos sanitarios.
Mentres, o outro implicado, E.V.L., de 47 anos de idade, foi evacuado ao Hospital Cristal, en Ourense, no helicóptero medicalizado, segundo informaron fontes sanitarias.
Morre un veciño de Barro nun accidente entre dous camións en Boborás
O sinistro produciuse na N-541, que une Ourense e Pontevedra ► O outro implicado resultou ferido