O público non defraudou por 28ª vez no Festival de Danza, celebrado o pasado martes no auditorio de Monterroso, que contou con todo un espectáculo de música e baile que rompeu barreiras nacionais e trouxo ata Galicia a un grupo ruso.
A presidenta de Falcatrueiros, Maruchi Pérez, sabía que os monterrosinos non se asustarían ante as pingas de choiva que ameazaron a afluencia de público: «Aquí o público nunca falla. Ninguén de Monterroso quedou en casa».
Con Pablo Losada, antigo membro da escola de danza de Monterroso, na tarefa de presentador, o festival arrincou cun espectáculo que se alargaría ata dúas horas.
