A neve poderá verse este venres na montaña lucense, sobre todo a máis de 700 metros de altura, segundo os datos da Asociación Española de Meteoroloxía (Aemet). Ao longo do día, a cota subirá a máis de 1.000 metros.
O ceo manterase cuberto con brumas no interior e a posibilidade de bancos matinais de néboa.
As precipitacións serán débiles e estenderanse por toda a provincia. As temperaturas máximas baixarán no sur da provincia con algunhas xeadas débiles, máis intensas nas zonas altas.
O vento soprará frouxo de compoñente sur e suroeste no interior, que virará no litoral norte a compoñentes oeste e noroeste durante a tarde.
