A décima edición do Encontro de Torneiros de Xermade pechouse con éxito de público, xa que, en catro días, pasaron polo pavillón miles de persoas, algunhas de Castela e León.
Na última xornada, presentáronse as 58 pezas que forman a cuarta Exposición Itinerante de Madeira Torneada. «A valoración deste ano é moi positiva, tanto en calidade como en cantidade», afirmou Fernando Vérez, un dos organizadores desta cita.