A alcaldesa de Lugo, Lara Méndez, considera que a recente saída dos membros de Podemos de Lugonovo (En Marea), unha das dúas formacións políticas que apoiou a súa investidura, pode ser debida á ausencia dun "proxecto de partido" por parte da plataforma.
En declaracións aos medios de comunicación, subliñou que Lugonovo é, en realidade, unha "amálgama de partidos", un conxunto de formacións políticas que "moitas veces non teñen un denominador común" que lle dea cohesión a "ese proxecto".
En canto á saída dos membros de Podemos, opina que foi debida a "discrepancias", provocadas precisamente "por non ter identificado un proxecto de partido".
De feito, sostén que ao carecer "ao final dun proxecto de cidade e de futuro, poden xurdir esas discrepancias".
Méndez vincula a saída de Podemos de Lugonovo á falta de "proxecto"
A alcaldesa lucense subliña que se trata dun conxunto de formacións políticas que "moitas veces non teñen un denominador común"
