Este martes Galicia empeza a quedar baixo a influencia dunha borrasca centrada no Mar do Norte. Así, espérase ceo con intervalos nubrados e choivas intermitentes, que empezarán polo oeste pero que se irán estendendo a toda Galicia cara á noite.
Segundo a información publicada por Meteogalicia, dependente da Consellería de Medio Ambiente, o vento soprará frouxo, de compoñente oeste en xeral.
Pola súa banda, as temperaturas mínimas experimentarán un lixeiro descenso e as máximas seguirán sen cambios. Deste xeito, nas principais urbes galegas os termómetros alcanzarán os 26 graos en Ourense, os 25 en Pontevedra e os 23 en Lugo, Santiago, Ferrol e Vigo.
En canto aos valores mínimos descenderán ata os 12 graos na cidade das Burgas, mentres que na capital lucense, A Coruña ou a cidade olívica non baixarán de 15.
