Magostos, Samaín e Halloween conviven na Ribeira Sacra

Este xoves nos colexios Escolapios e Ferroviario de Monforte ou nos centros culturais de Chantada e Bóveda conviviron as castañas, os disfraces e as cabazas

O cambio de outubro a novembro é sinónimo de magostos en Galicia. Con todo, nos últimos anos incorporouse en colexios e colectivos xuvenís a celebración de Halloween ao máis puro estilo americano con cabazas e disfraces como aceno de identidade. Fronte a esa tendencia, xurdiu a reivindicación do Samaín, que nas formas ten similitudes co Halloween, pero que provén dun ritual celta que marcaba a entrada nos meses máis escuros do ano.

Na actualidade, o que ocorre é que a chegada de Santos festéxase cun pouco de todo e, por exemplo, este xoves nos colexios Escolapios e Ferroviario de Monforte ou nos centros culturais de Chantada e Bóveda conviviron as castañas, os disfraces e as cabazas, independentemente do nome que cada un quixese darlle ao evento.

Comentarios