'Á procura da poesía. Vida e obra de Luz Pozo Garza' é un volume de 600 páxinas no que os profesores Aurora López e Andrés Pociña teñen investido 20 anos da súa vida. «Pero non foi traballo, foi un pracer», asegura Pociña sobre o libro que sae agora do prelo. «Luz é a meirande poeta galega viva», di da autora de Ribadeo.
o obra que vén de publicar Alvarellos sobre Luz Pozo Garza (Ribadeo, 1922) é un ensaio que inclúe unha antoloxía e que recupera textos inéditos, pero ben podería ter sido «unha novela». Así o considera o lugués Andrés Pociña, profesor como Aurora López de filoloxía latina na universidade de Granada e amigo e biógrafo da escritora agora homenaxeada. O editor, Henrique Alvarellos, non descarta que nun futuro próximo se escriba e publique esa novela.
Luz Pozo Garza, cuns espléndidos 92 anos, contaba horas antes da presentación da súa biografía na Coruña que
