O comité provincial do PSdeG en Lugo aprobou este sábado a súa proposta de candidatura para as eleccións autonómicas de outono que está encabezada por Luis Álvarez, seguido por Concepción Burgo e José Antonio Quiroga.
A lista, que presenta unha renovación do 90 por cento, segundo indica o PSdeG lugués nun comunicado, foi aprobada "por aclamación popular ou unanimidade" e será remitida á xestora que dirixe o partido en Galicia, que posteriormente a trasladará aos órganos federais en Madrid.
Tras os tres primeiros nomes sitúanse Patricia Otero, Rodrigo Pavón, Raquel López e Carlos López, así ata completar unha lista paritaria formada en total por 14 persoas.
Os integrantes da proposta lucense teñen unha media de 40 anos e representan a todas as comarcas da provincia.
O partido destaca o alto grao de renovación e a media de idade como "principais características" desta candidatura que "se presenta con forza e unidade para defender os intereses de todos os veciños de Lugo e conseguir un cambio de ciclo en Galicia".
Aprobada por aclamación popular a candidatura do PSdeG en Lugo
A lista, que presenta unha renovación do 90%, foi aprobada "por aclamación popular ou unanimidade"
Dianteiro do Friol
Daniel Roca Couso marcou un hat trick ante o Carballedo nun avultado marcador
17/abr./24
