Lunes. 19.11.2018 |
El tiempo
Lunes. 19.11.2018
El tiempo

O Lugo xogará oito encontros amigables na súa pretemporada

Afeccionados do Lugo, durante o encontro ante a Cultura Leonesa. CRÓNICA DE LEÓN
Afeccionados do Lugo, durante o encontro ante a Cultura Leonesa. CRÓNICA DE LEÓN

A liga en Segunda División arrancará a fin de semana do 18 e 19 de agosto

O Lugo confirmou o seu calendario de amigables de pretemporada. Serán oito partidos os que xogarán os branquivermellos antes de que comece a liga en Segunda División a fin de semana do 18 e 19 de agosto.

O primeiro encontro será ante o Viveiro en Cantarrana o 18 de xullo ás 19.30 horas. Tres días máis tarde, o 21 de xullo, a cita será co Rácing Vilalbés no campo da Magdalena, tamén ás 19.30 horas.

O 25 de xullo o Lugo viaxará a Pontevedra para xogar fronte ao conxunto granate ás 20.00 horas. O 27 de xullo será a cita en Luanco ante o Rácing de Santander desde as 19.00 horas da tarde.

En canto aos partidos do mes de agosto, Javi López poderá realizar as súas probas ante o Real Oviedo nun partido esixente no terreo burelense da Marosa desde as 20.00 horas.

Tres días despois, o 4 de agosto, o club lucense viaxará a León para disputar un encontro de preparación fronte á Cultural Leonesa no Estadio do Reino de León ás 19.30 horas.

Os dous últimos partidos programados polo club serán ante o Deportivo e a Ponferradina.

O duelo contra o Dépor será o prato forte da pretemporada, xa que é o partido de presentación do equipo no Ángel Carro. Será o 8 de agosto a partir das 20.30 horas. Para rematar, xogarán ante o cadro berciano o 11 de agosto ás 19.30 horas en Cantarrana, Viveiro.

O Lugo xogará oito encontros amigables na súa pretemporada
Comentarios