O mus cada vez conta con máis seguidores en Galicia. Así o puxo de manifesto a celebración dun torneo galego o pasado 28 de outubro na cafetería Abrente da cidade de Lugo, onde se reuniron numerosas parellas chegadas de toda a comunidade autónoma.
Ao final o triunfo foi para dúas parellas de Ourense e unha de Vigo, que se clasificaron para disputar o Master Nacional deste deporte de mesa.
A intensa xornada, chea de emoción e boas xogadas, prolongouse ata entrada a madrugada.
